لو قدامك 4 أيام بس وعاوز تفصل من الزحمة والدوشة، الغردقة هي الحل الأسهل والأسرع. بس عشان رحلات الغردقة 4 أيام 3 ليالي ناس كتير الوقت بيسرقها وتلاقي نفسك مقضيهم في الفندق، محتاج برنامج متفصل يخليك تلف البحر والبر وتستمتع بكل لحظة. ساوث كوست جهزت لك الخريطة الكاملة لأقوى أجازة 4 ايام و 3 ليالي.
رحلات الغردقة 4 ايام 3 ليالي
خلينا متفقين إن أي رحلة جامدة بتحتاج مدة طويلة لكن دا معناه فلوس أكتر وياسلام لو طالع مع العيلة!
لكن احنا في ساوث كوست حليناها ببرامج رحلات الغردقة 4 ايام 3 ليالي سعر ممتاز وكل العيلة هتتبسط
اليوم الأول اكتشف المكان
أول ما توصل وتستلم غرفتك، ابدأ يومك بالهداوة.
- لو الصبح يبقى استمتع بالبحر في الفندق وخد تان محترم وفطار وجهز نفسك للي جاي.
- لو بليل يبقى مفيش أحلى من مارينا الغردقة، هايصة 24 ساعة والمكان هناك طاقته إيجابية جدا، يخوت وإضاءة وقعدة رايقة على البحر. اتمشى هناك وجرب تتعشى سمك عشان تبدأ الرحلة صح.
اليوم الثاني بحر وبس
ده اليوم اللي هتكتشف فيه ليه الغردقة عالمية.
- رحلة اليخت ودي مع ساوث كوست حاجة تانية، هتطلع رحلة بحرية لجزر زي أورانج باي أو بارادايس بمياه فيروزية ورمال بيضاء هتنسيك أي ضغط شفته في حياتك كأنك على جزيرة لوحدك.
- السنوركلنج وهنا بقى هنوقف اليخت في نص البحر عند مناطق شعاب مرجانية مميزة جدًا ومتقلش حتى لو مش بتعرف تعوم، اللايف جاكيت وفريقنا هيخلوك تشوف عالم تاني تحت الميه بكل أمان.
اليوم الثالث مع جمال الصحراء
بعد يوم البحر، جه وقت الجري في قلب الجبل.
- سفاري الغروب يعني هتركب البيتش باجي وننطلق في صحراء الغردقة وهتشوف اللحظة اللي الشمس بتغيب فيها وأنت وسط الجبال أجواء ومشاعر أول مرة هتحسها من الأنبساط أصل لو مش هتتبسط دلوقتي هيبقى امتى؟
- وطبعًا لازم جولة الداون تاون وهتكون بعد ما ترجع، وهتاخد جولة في منطقة الدهار. هناك هتشوف الغردقة الحقيقية، تقدر تشتري لبس بحر، إكسسوارات، أو تقعد على القهاوي البلدي وتعيش جو البلد.
اليوم الرابع تمشية عالرايق
قبل ما تودع الغردقة، لسه فيه فرصة لأخر فسحة.
- لو مش عاوز تنزل الميه تاني، الغواصة هي الحل. هتشوف السمك والشعاب من ورا الزجاج وأنت في مكانك، تجربة مريحة وصورها بتطلع خرافية ولو معاك شريكتك أو حتى كمان أطفالك هيتبسطوا جدًا.
- ومتنساش تعدي على سيتي سنتر الغردقة هات شوية حاجات للذكرى وودع البحر قبل ما تتحرك.
وأجازة سعيدة يا سيدي.
أكيد عندنا برامج تانية كتير زي الدولفين شو ولعبة الكنز المفقود للأطفال وسهرة بدوي ومشاوي للكبار.
باختصار لو عاوز اي حاجة ابعتلنا بس عدد وعمر الأفراد واحنا هنجهزلك رحلة تبسطك وسعرها يناسبك.
لو عاوز تعرف أسعارنا كلمنا
ليه ساوث كوست هي اختيارك الصح؟
إحنا في ساوث كوست عارفين إن وقتك غالي، عشان كدة بنقدم لك:
- مواعيد مظبوطة بالدقيقة يعني مفيش وقت ضايع في انتظار باصات أو تنظيم عشوائي.
- فريق نشيط يعني اللي هيكونوا معاك في الرحلة شباب زيك، فاهمين إنت محتاج إيه وعارفين أحسن أماكن للتصوير والروقان ولو أي حد من أفراد أسرتك احتاج حاجة فأي طلعة هيساعدوك عشان يتبسطوا
- سعرنا من غير لف ودوران وكل حاجة واضحة شاملة كل حاجة عشان تركز في الاستمتاع بس.
أسئلة بتيجي في بال أي حد مسافر الغردقة
هل 4 أيام كفاية؟
جدا، لو عرفت توزع وقتك بين البحر والسفاري والخروجات الليلية زي ما شرحنا في الجدول ده.
إيه أحسن وقت أطلع فيه؟
الغردقة شغالة معاك طول السنة، بس شهور الربيع والخريف هي التوب من ناحية الجو والميه.
هل رحلات اليخت مع ساوث كوست مناسبة للي مش بيعرف يعوم؟
جداً، مش محتاج تكون بتعرف تعوم عشان تستمتع. فريق ساوث كوست بيوفر لك لايف جاكيت بمقاسك، وبيكون معاك مرشد غطس محترف في الميه بيساعدك خطوة بخطوة عشان تشوف الشعب المرجانية والسمك الملون وأنت مطمن تماماً.
إيه الفرق بين رحلة أورانج باي وبارادايس في برنامج الـ 4 أيام؟
الفرق الأساسي في الجو يعني أورانج باي مشهورة بالمراجيح اللي وسط الميه والديكورات الخشب اللي بتطلع صور وذكريات رايقة أما بارادايس هناك الهدوء أكتر وشط رملي واسع ومناسب للاسترخاء التام، واحنا هناك دورنا نساعدك تختار اللي يبسطك.
هل ينفع أعدل في جدول رحلة الـ 4 أيام لو عاوز أضيف نشاط معين؟
طبعاً، مرونة البرنامج هي أهم ميزة في ساوث كوست، لو عاوز تبدل يوم السفاري بزيارة لـ الجونة أو تضيف رحلة غطس بروفيشنال ومعاك شهادات، بنرتب لك ده فوراً وبنعدل الجدول بحيث تضمن إنك عملت كل اللي نفسك فيه من غير ما تضيع وقتك.
معظم عملاء ساوث كوست معندهمش رفاهية الوقت الكبير لأن طبيعة شغلهم متسمحش سواء بيجو مخصوص من برا مصر أو فمراكز ومناصب مهمة والأجازات محدودة عشان كدا أحنا جاهزين ديما بالبرامج القصيرة.
لا تعليق