لو إنت في الغردقة، أو حتى ناوي تيجي فأكيد سمعت عن جزيرة الجفتون، الحقيقة إن رحلات الغردقة الداخلية كتير، بس تظل رحلة جزيرة الجفتون هي البريمو والوجهة اللي مينفعش تفوتك. مع ساوث كوست، هنعرفك إزاي تقضي يومك صح في المحمية الطبيعية دي وتستغل كل لحظة في المية الفيروزية.
ليه رحلة جزيرة الجفتون هي الأهم في الغردقة؟
جزيرة الجفتون مش مجرد شط، دي أول محمية طبيعية في البحر الأحمر وهي البيت الأساسي لطيور النورس وأندر أنواع الشعاب المرجانية.
وأحنا بقى في ساوث كوست، بنعتبر الجفتون هي مالديف مصر لأن رملتها البيضاء ونقاء ميتها ملوش مثيل في أي مكان تاني.
برنامج رحلة جزيرة الجفتون مع ساوث كوست
- التحرك من المارينا: بنبدأ يومنا بالتحرك على اليخت، استمتع بالهواء والشمس وجدد طاقتك.
- وقفات السنوركلنج: قبل ما نوصل الجزيرة، بنوقف في سبوتات معينة فيها كمية سمك ملون وشعاب مرجانية هتخليك مش عاوز تطلع من المية.
- النزول على الجزيرة: بنقضي وقت كافي على شط الجزيرة، تقدر تسترخي، تاخد “تان” محترم، أو تتصور صور احترافية في اللوكيشن العالمي ده.
- غداء سي فود على اليخت: مفيش أحلى من وجبة غداء فريش وسط البحر مع مشروبات باردة طول اليوم.
أنواع رحلات الجفتون
رحلات الغردقة الداخلية للجفتون بتتقسم لكذا نوع، وإحنا في ساوث كوست بنوفر لك كل الاختيارات وأكثرهم طلبًا:
- أورانج باي (Orange Bay) دي لو بتدور على الماية الضحلة عشان أطفالك والديكورات الخشبية المراجيح وسط المية وصور الإنستجرام.
- بارادايس (Paradise Island) ودي لمحبي الهدوء والشواطئ الواسعة والروقان.
كم سعر رحلة جزيرة الجفتون 2026؟
السعر بيعتمد على نوع الشاطئ (أورانج، بارادايس، أو المحمية)، والبرنامج اللي هتختاره وكمان بنعمل أحسن سعر للعدد الكبير، كلمنا في ساوث كوست واستفيد دايمًا بعروض شاملة الانتقالات، الغداء، ومعدات السنوركلنج بأسعار بتبدأ من مبالغ مناسبة جداً للشباب.
إيه الفرق بين جزيرة الجفتون وجزيرة مجاويش؟
الجفتون هي الأكبر والأشهر وفيها خدمات وشواطئ مجهزة (كافيهات وشماسي)، أما مجاويش فبتكون رحلة بحرية أكتر للسنوركلنج والسباحة في مية ضحلة جداً وصافية طبيعة بكر زي ما بنقول.
محتاج أخد إيه معايا وأنا طالع الجفتون؟
فوطة، نظارة شمس، واقي شمس (Sunblock)، وكاميرا ضد المية لو متاح. متقلقش بخصوص الزعانف والماسك، أحنا في ساوث كوست بنوفرهم لك على اليخت.
هل رحلة الجفتون مناسبة لو مش بعرف أعوم؟
طبعاً، بنوفر لايف جاكيت لكل الناس، ومعاك مرشدين محترفين بينزلوا معاك المية وبيساعدوك تستمتع بالسمك والشعاب بكل أمان.
لا تعليق